Wer sind die Stärne-Vieri?
STÄRNE-VIERI, das sind Annemarie, Didde, Esther und Peter. Die Stärne-Vieri spielen seit Sommer 2008 zusammen. Zu Hause sind wir in den Kantonen Solothurn, Bern und Freiburg.
Was machen wir für Musik?
Unsere Musik ist ein bunter Mix, ein Ratatouille. Dies beinhaltet volkstümliche Musik, Schlager, Evergreens, Oldies, Stimmungslieder. Wir spielen in angepasster Lautstärke.
Wo trifft man uns an?
Spielen durften wir bereits an verschiedenen Anlässen, so zum Beispiel an der „MusigStubete“ auf TeleBärn (TV), bei Radio Fribourg, an der Bea Expo und natürlich an privaten Geburtstagen, in Altersheimen, Festen etc.
Wie kann man uns kontaktieren?
Elektronisch am besten über unser Kontaktformular, per Post an Edith (Didde) Stuber, Friedhofweg 14, 3214 Ulmiz oder via Telefon unter 031 751 08 14 / 079 628 83 73.
E wunderschöni Reis ids Moselgebiet mit Sommer-Car isch leider ume verbi. Es isch wie immer sehr zfride, gmüetlech u fröhlech gsi u het Fröid gmacht aui die liebe Lüt ume dörfe ds gseh, wo jedes Jahr mitchöme. Mir fröie üs uf die nächschti Reis u hoffe dass die wo nid hei chönne mitcho, o ume derbi dörfe si.
Ganz härzleche Dank üsere Ursula u em Heidi, wo ume aus gä hei!!! u ds Personal im Hotel Noss wo üs sehr verwöhnt het. Ganz härzleche Dank Euch aune für eui Ungeschtützig!! Mir hoffe Euch gli wieder dörfe ds gseh. Blibet aui gsung u zwäg. Härzlech eui Stärne-Vieri
wieder isch e wunderschöne Sunntignami ds Änd im Lamm, Wislisau!
mir bedanke üs vo ganzem Härze bi Euch allne wo üs bsuecht hei, tanzet u gsunge hei,
u bir Cornelia u ihrem Team wo so guet zu üs gluegt hei . Danke viumau u blibet aui gsung u zwäg bis mir üs wieder dörfe gseh.
Ganz härzlech euer Stärne-Vieri
E wunderschöni, luschtigi u fröhlechi Wuche isch leider scho ume verbi. Leukerbad!!
mir bedanke üs vo ganzem Härze für eui liebe Bsüech am Nami u Abe u eui Ungerschtützig, u für das tolle Wätter wo dir bschtellt heit!!!
Härz was wosch no meh!
merci viumau dr Sandra u em Didier Grichting u ihrne tolle Mitarbeiter!
Abesfäus fröie mir üs natürlech sehr, dass mir nächscht Jahr wieder dörfe cho.
Kaländerwuche 3, vom 17.-22. Januar 2027
Euch aune aues Liebe u Guete u bis mir üs irgendwo dörfe gseh, u blibet gsung u zwäg!
schpäteschtens im Leukerbad :):):)
härzlech euer Stärne-Vieri*4
E wunderschöni Wuche isch verbi.
Vo ganzem Härze bedanke mir üs bi Euch aune dass Dir wieder sit mitcho , das Mau ids schöne Südtirol. So toll gsi!!! Sit 10 Jahr dörfe mir zäme ga. Wunderbar. Danke Sommer-Car-Reise, danke em Heidi wo super zu üs luegt, u üsere Ursula, beschti Carschofföse !!!!
Aune aues Liebe, u blibet gsung u zwäg dass mir wieder chöi ga.
ganz härzlech Eure Stärne-Vieri
Mir danke aune ganz härzlech wo üs ds Kriechenwil im Trubehöfli bsuecht hei u em Jerry u sire Crew für die feine grillierte Sache u sini Gaschtfründschaft. Danke viumau! Mir fröie üs uf ds nächschte Mau. Häbet aui e guete Summer
Härzlech Euer Stärne-Vieri
Hallo Ihr VIER,
es war schön Euch auf dem Flusskreuzfahrtschiff kennengelernt zu haben.
Ich hatte sehr viel Spaß an Eurer abwechslungsreichen Musik.
Grüße aus Hessen (D)
Joachim Döring
( egerlaenderschmankerln.de )
Aues Schöne hett es Änd. E wunderbari Flussfahrt mit Flussfahrte GmbH, vom 18.-25. März 2025, uf em Rhein u dr Mosel, mit Elsbeth u Hanspeter Balsiger, isch verbi. Es isch wunderbar gsi. Die Vielfalt vo de Musige, ds feine Asse, die super Betreuig, die tolle Usflüg!! Härz , was wottsch no meh. Mir bedanke üs bi aune wo mitcho si, gmusiget hei u eifach gmüetlech si zämegsi.
Merci viumau Elsbeth, Hanspeter u eui Crew, u danke dass mir hei dörfe e Teil vo dere Reis si.
Uf Wiederluege
härzlech Annemarie, Esther, Peter u Didde vo dä Stärnevieri
Schön isch es gsi am Sunntig im Wislisau bir Cornelia.
Danke aune wo verbi cho si, tanzet u gsunge hei!!
Mir fröie üs scho uf ds nächschte Mau.
Blibet gsung u zwäg u uf Wiederluege
Härzlech .
Euer Stärne-Vieri
Liebe Grüße aus dem Wallis .
Theler Anna Maria vom Stellplatz.
vo Härze bedanke mir üs bi aune wo mit üs u ‚Sommer Car AG‘, Grünen uf d’Reis i d’Lüneburger Heide mitcho si. mir si in Celle vor ‚Halleluja‘ u ihrem Team jede Abe mit feinem Ässe u liebenswärter Bedienig verwöhnt worde. Danke viumau aune, wo zum guete Glinge vo där Reis mitghufe hei u ganz ä härzleche Dank üsere Chauffeuse dr Ursula u am Heidi für d’Reiseleitig. uf Wiederluege 2025 u blibet gsung u zwäg!
Didde u Stärne-Vieri!
Es härzlechs „merci“ aune wo üs geschter Abe bim Jerry in Kriechenwil bsuecht hei! Fein si die Grillade gsi, wunderbar dr Salat u super dr Service. U ds Wätter isch o uf üsere Site gsi🌞 Jerry, Dir u Dine Lüt merci viumau u aues Liebe😍 Didde u d Stärne-Vieri
06./07. Juli, musique populaire in Grimentz! Es isch wunderschön gsi. Ds Wätter nid nume top, aber Sunne im Härze, Musig ir Luft , viu feini Sache im Dorf, d Schtimmig super! Wallis pur!
Aune wo si cho ineluge, es härzlechs „danke“ u mir hoffe üs gli wieder ds gseh.
Merci Grimentz, nous avons passé de nouveau un weekend inoubliable avec vous et tous les autres musiciens dans votre merveilleux village! Merci ! Stärne-Vieri
Im Örgelichäuer ds Burgdorf hei mir am 1. Mai am Abe dörfe musige👍
Fröhlech u luschtig isch es gsi🤩
Mir bedanke üs bim Koni u sire Crew, wo so guet zu üs gluegt hei,
U bi Euch aune wo üs bsuecht hei!
Härzlech Euer
Stärne-Vieri
Ds Tanzbei isch gschwunge worde ir Schouchäserei am 30. April!👍
Es isch , wie immer, wunderbar gsi.
Mir bedanke üs vo ❤ bi aune wo üs bsuecht hei
U fröie üs euch gli ume ds gseh
Härzlech
Euer Stärne- Vieri
Vo ganzem Härze bedanke mir üs bi aune wo üs im Leukerbad wieder bsuecht u ungerschtützt hei. Es isch wieder e wunderbari Wuche gsi, viu auti Bekannti u nöi Gsichter si bi üs gsi, u wie gäng, hei mirs zfride u luschtig gha.
Bedanke tüe mir üs o ganz fescht bir Sandra u em Didier Grichtig, wo üs ufgnoh hei, u em Personal wo zu üs aune gluegt het.
Tschüss zäme, es anders Mau, u hoffentlech o wieder im Leukerbad, im 2025, 3. Wuche,
12.-17 . Janaur.
härzlech Euer Stärne-Vieri
Ciao Amici, mir bedanke üs vo ganzem Härze bi allne wo üs im Tessin bsuecht hei am 1. u 2. Septämber. Es isch es wunderbars Wucheänd gsi!!! Danke möchte mir o dr Mary u ihrem Team, wo üs, wie immer sehr verwöhnt hett!! Grazie a tutti u blibet aui gsung u zwäg!!
Mir hoffe Euch gli ume ds gseh!!
Härzlech Euer Stärne-Vieri
Geschter, 29. Ouguscht, hei mir ume dörfe musige ir Schouchäserei. Wunderbar wie aui wieder ds Tanzbei gschwunge hei! Es hett gfägt mit Euch u mir fröie üs uf ds nächschte Mau. Härzleche Dank a Guido für sini tatchräftigi Ungerschtützig!
Blibet gsung u zwäg. Härzlech Euer Stärne-Vieri
E wunderbari Reis nach Maria Alm isch leider scho wieder verbi. Es isch, wie scho 2x, wunderbar gsi. Öppis für ds Härz, öppis für d Seel, öppis für die gueti Lune, u de o ganz ganz fein ässe bim Franzl, im Lohningerhof. Wunderbari Usflüg, schöni Fahrte, super Wätter, u das aus mit wunderbare Lüt. Was möcht me no meh!!! MIr bedanke üs härzlech bi allne wo wieder derbi gsi si, bir Ursula wo wunderbar gfahre isch, wie gäng!!! Em Heidi wo soooo guet u üs allne gluegt hett u em Franz u em Personal vom Lohningerhof, wo üs so verwöhnt hei.
Blibet aui gsung u zwäg, u mir hoffe ganz fescht dass mir üs nächscht Jahr wieder dörfe gseh, bim Reisli zur Halleluja u id Lüneburgerheide!! aues Liebe Euer Stärne-Vieri
Blib fit, tanz mit! Ds Motto vor Schouchäserei!
Es isch wunderbar gsi mit Euch aune!
Härzleche Dank für Eui Bsüech im Aemmital.
Mir fröie üs scho uf ds nächschte Mau.
Blibet gsung u zwäg !
Härzlech Euer Stärne-Vieri
Hallo zäme
Januar 2023 im Leukerbad isch Gschicht. Mir bedanke üs bi allne vo Euch wo üs immer wieder bsuecht hei, gsunge u tanzet hei, u mir eifach e tolle Nami u Abe hei gha zäme.
Dir sit eifach super!!! Danke!!!
Mir tüe Euch witerhin hie uf üsere Website unger Events orientiere, wo mir si u was mir grad mache u fröie üs natürlech sehr we mir üs ume dörfe gseh.
Sägets aube no witer dene wo Dir kennet, mir hei gmerkt nid jede hett e Kompi.
Danke!
Blibet aui gsung u zwäg u häbet nech Sorg!
Ganz ganz härzlech Euer Stärne-Vieri
Kroatie/Istrie isch verbi…es isch schlichtwäg wunderbar gsi. Schön, gmüetlech, zfriede u luschtig.
Vo ganzem Härze bedanke mir üs bi Sommer-Carreise, dass mir das hei dörfe mache mit all „üsne“ wunderbare Lüüt! Beschtens betröit vom Heidi, souverän gfahre vor Ursula, u musikalisch no ungerschtützt vom Urs u vom Uschi, wo üs isch cho bsueche.
Mir fröie üs ungloublech uf ds nächschte Mau, u hoffe ganz viu liebi Gsichter ume dörfe ds gseh!
Blibet aui gsung u häbets guet!
Danke a Euch aui vo Hàrze
Euer STÄRNEVIERI
Viva il Ticino!!
Wunderbar isch das Wucheänd gsi in S.Abbondio, sogar ds Wätter hett ziemlech mitgschpielt!
Vo Härze bedanke mir üs bi üsem tolle Publikum für ihre Bsuech u ds Mitmache,
e grazie mille alla Mary , Camelia e Antonio!! era im super Weekend!
speriamo l anno prossimo!!
Saluti a tutti
STÄRNEVIERI
Vo Härze bedanke mir üs bi de Organisatore vom 1. Ouguscht wo mir hei dörfe ga musige!!
ds Gerlafinge, ds Bellach u de no uf em Blelichebärg!
es wunderbars Publikum hei mir dörfe ha!
Häbet es guets u gsungs Jahr
Härzlech euer Stärne-Vieri
Danke ganz härzlech für dä positiv Kommentar zur Chilbi in Oberdorf. Ja, es isch dr Hammer gsi, u mir chöme gärn wieder we mir agfragt wärde!!!
Blibet aui gsung u zwäg u häbet es guets Jahr
Härzlech euer Stärne-vieri
Öieri Musig a dä Chilbi z’Oberdorf am 15. Auguscht hät öis superguet gfalle. Bitte chömed doch im nächschte Jahr wieder.
Wärs dänn ächt möglich, ä Tanzflächi z’mache? I däm Grien isch s’Tanze suboptimal gsi.
09./10. Juli , musique populaire, Grimentz
Es isch wunderbar gsi, aui die schpannende Musige, ds wunderbare Wätter, ds Hotel, es hett gfägt!!
Mir bedanke üs vo ganzem Härze aune wo üs bis dert hingere ids Val d Anniviers nachegreist si. Es hett rundume gfägt.
Mir fröie üs uf nächscht Jahr in Grimentz, wo mir wieder dörfe derbi si.
Härzlech euer Stärne-Vieri
Aune wo üs im Leukerbad bsuecht hei vom 15.-20. Januar danke mir vo ganzem Hàrze!! schön isch es gsi soviu bekannti Gsichter dörfe ds gseh ir Walliserchanne, sigs am Namittag oder Abe gsi, u bi einige sogar mehreri Täg! Mir bedanke üs o bim Illir u sire Crew u fröie üs dass är die Tradition vom Joseph witerfüehrt u mir im Januar e Wuche dörfe cho schpiele!
Mir fröie üs we mir üs wieder gseh
Blibet aui gsung u zwäg!
Härzlech Euer Stärne-Vieri
Was wär dr Februar ohni Tanz ir Schouchäserei ds Affoltere im Ämmital??
Dir heit aui aus gä u ds Tanzbei gschwunge dr ganz Namittag!!
Mir bedanke üs bi Euch!! Es macht soviu Fröid für Euch dörfe ds musige!!
Blibet aui gsung u zwäg u witerhin so fit!!
MIr hoffe no lang für Euch dörfe ds schpiele!!!!
Euer Stärne-Vieri